చిద్విలాసం [కవిత]

చిద్విలాసం [కవిత]

ఈ కవితకి నేపధ్యం అవసరంలేదు, అని అందరికీ తెలుసు.ఆ తిరుమల గిరిపై నేను అనుభవించిన అనుభుతికి ఇలా అక్షరరూపం ఇచ్చాను.అంధ్రభూమి వీక్లీలో 2009లో ప్రచురించబడింది.

కోటి సిరులు పండిన చోటు
కోనేటిరాయుడు నిలిచిన చోటు
కొంగున కట్టిన మొక్కులను
వడ్డీలతో కలిపి వసూలు చేసుకోనే చోటు,
ఆ గిరి సుగంధాల ఆవిరి
ఆ నిధి లక్ష్మిదేవి పుట్టినింటి దరి
అమృతపు భౌతికత్వాన్ని
కనులముందుంచే గోవిందస్మరణ
పిల్లతెమ్మరలా పలకరిస్తుంది,
చలువరాతి కౌగిళ్ళు
జీవన ఆర్ధతని హత్తుకుంటాయి,
ఆ మేము వీక్షణకై...
ఎన్నివేల వరుసలో...చీమల దండ్లలా
ఆధ్యాత్మిక సమరం చేస్తుంటాయి,
తిరునామం కప్పిన నయనాలు
చిద్విలాపంగా నవ్వుతుంటే
ఆ కొసరి మురిపానికే...
ఎన్నివేల గుండెలు తపిస్తున్నాయో,
తన్మయత్వపు అంచులవరకూ తనువులు తరియించాలంటే...
శ్రినివాసుని ఇంటికి వెళ్ళొధ్ధాం రండొకసారి.