ప్రేమసామ్రాజ్యo

ప్రేమసామ్రాజ్యo

ఎన్నాళ్ళయినా ...
నీ కన్నీటి సెలయేరులో శుద్దిస్నానం చేసేవాళ్ళు వస్తారన్న
హృదయఘోష.
బీటలువారుతున్న ఆశలలోగిళ్ళను ...
తన రక్తంతోనయినా మొలిపింపచేసే ప్రాణం
అందుకుంటానన్న నిశ్చయం.
కెరటం కోసేస్తున్నా...
సంద్రాన్ని వీడని ఇసుకరాయి ఆపేక్ష.
అరచేతుల నిండా నింపుకున్న కాంక్షను
నీ చుట్టూ అల్లేసిన ఆత్మ బంధంగా అస్తిత్వాన్నిచ్చిన
ఆర్ధత.
నీ దూరం తన గుండెల్లో లోయల్ని సృష్టిస్తుంటే..
యుగాలుగా అంటించిన నయనాల్న్ని పెరుక్కొని తెచ్చి
నీ ప్రతీ అడుగునీ కాపాడే
క్షణాలూ.
నిరంతరం నీకు గొడుగు పడుతుందని
ఆకాశాన్ని దొసిళ్ళలో పట్టి నీకివ్వాలన్న
తపన.
అనంతమైన మస్తిష్కాల మధ్యనా
నిన్ను నిన్నుగా గుర్తించగల కంటిపాప
కౌగిళింత.
ఇవే..నీ ప్రేమసామ్రాజ్యపు చుట్టుకొలతలు.